Գերմանիայի կանցլեր Օլաֆ Շոլցը չի ակնկալում, որ Ռուսաստանի ներխուժումն Ուկրաինա շուտով կավարտվի, քանի որ խաղաղությունն անհնար է առանց ռուսական զորքերի դուրսբերման: Այս մասին «Rheinische Post»-ի կազմակերպած միջոցառման ժամանակ հայտարարել է Գերմանիայի կառավարության ղեկավարը։
«Մենք պետք է պատրաստ լինենք այն բանին, որ դա (պատերազմը.-խմբ.) կարող է երկար տևել։ Նույնիսկ երբ պատերազմն ավարտվի, ամեն ինչ անմիջապես չի վերադառնա իր բնականոն հունին: Բայց մենք նաև չպետք է դադարեցնենք մեր ջանքերը դրան վերջ տալու համար», - հավելել է կանցլերը:
