Ըստ ադրբեջանական լրատվամիջոցների՝ տնային կալանքի տակ են հայտնվել Ադրբեջանի մաքսային կոմիտեի գլխավոր օպերատիվ-հետախուզական վարչության պետ, մաքսային ծառայության գեներալ-մայոր Մասում Ռասուլովը և մաքսային կոմիտեի ենթակայության «Azərterminalkompleks» ասոցիացիայի նախկին տնօրեն, գեներալ-մայոր Էհտիրամ Խալիլովը։ Մաքսային կոմիտեի գեներալները մեղադրվում են առանձնապես խոշոր չափերով յուրացման հետ կապված հանցագործությունների մեջ։
Մասում Ռասուլովը և Էխտիրամ Խալիլովն ամբողջությամբ վճարել են պետբյուջեին հասցված վնասի չափը՝ ըստ համապատասխան մեղադրանքի։ Դատարանը բավարարել է պաշտպանների միջնորդությունները և նրանց նկատմամբ խափանման միջոց է ընտրել տնային կալանքը։ Ներկայումս քրեական գործը շարունակվում է։
