Ուկրաինայի դեմ Ռուսաստանի լայնածավալ պատերազմի ֆոնին Գերմանիայում ավելացել է նոր զինծառայողների թիվը։ 2022 թվականին Գերմանիայի ԶՈՒ-ում (Բունդեսվեր) ծառայության է անցել 18 775 մարդ, ինչը 12%-ով ավելի է, քան մեկ տարի առաջ։ Այդ մասին հայտնում է «dpa» գործակալությունը՝ վկայակոչելով պաշտպանության նախարարության տվյալները:
Միևնույն ժամանակ, մինչեւ համավարակը նորակոչիկների թիվն էլ ավելի մեծ էր՝ 2019 թվականին բունդեսվեր է զորակոչվել 20170 մարդ։
