Միջազգային
Իրանական կողմի նախաձեռությամբ տեղի է ունեցել Ռաիսի-Ալիև հեռախոսազրույց
Իրանի նախագահ Էբրահիմ Ռաիսին հեռախոսազրույց է ունեցել Ադրբեջանի նախագահ Իլհամ Ալիևի հետ։ Նշվում է, որ հեռախոսազրույցը տեղի է ունեցել իրանական կողմի նախաձեռնությամբ։
Իրանի նախագահը հեռախոսազրույցի ընթացքում Թեհրանում Ադրբեջանի դեսպանատան անվտանգության ծառայության ղեկավար Օրխան Ասկերովի մահվան կապակցությամբ ցավակցություն է հայտնել Ալիևին, մահացածի ընտանիքին և շուտափույթ ապաքինում մաղթել վիրավորներին։
Ադրբեջանի նախագահը հայտարարել է, որ խստորեն դատապարտում է դեսպանատան դեմ իրականացված ահաբեկչությունը, հույս հայտնել, որ այս արյունալի ահաբեկչությունը մանրակրկիտ կհետաքննվի, իսկ մեղավորները կպատժվեն։ Ալիևը նաև ընդգծել է թափանցիկ հետաքննության կարևորությունը։
Ալիևը նաև նշել է, որ եթե ահաբեկիչը զինաթափված չլիներ, հնարավոր է, որ նրա թիրախը դառնային դեսպանատան այլ աշխատակիցներ և նրանց ընտանիքների անդամներ, որոնք բնակվում են դեսպանատան շենքի բնակելի հատվածում։
Ադրբեջանի նախագահն ընդգծել է դիվանագիտական ներկայացուցչությունների անվտանգության ապահովության կարևորությունը։
