Միջազգային
«Կոչ ենք անում Բաքվին ու Երևանին՝ քաղաքական կամք ցուցաբերել ու լուծել հակասությունները». Զախարովա
27 Հունվարի 2023, 16:30
ՌԴ ԱԳՆ խոսնակ Մարիա Զախարովան ամենշաբաթյա ասուլիսին անդրադարձել է Լաչինի միջանցքի շրջափակման հարցին։ Զախարովան, մասնավորապես, հայտարարել է. «Լաչինի միջանցքի վերաբերյալ ՌԴ ՊՆ–ն և խաղաղապահները մշտական կապի մեջ են բոլոր կողմերի հետ։ Ի տարբերություն դրսի ուժերի, որոնք սահմանափակվում են իրավիճակի լիցքաթափմանն ուղղված կոչերով, ռուսական կողմը փնտրում է իրական լուծում և իրականացնում է հումանիտար աջակցություն։ Լաչինի միջանցքի լիակատար ապաշրջափակման մասին եռակողմ հայտարարության հիմքով դիմում ենք Բաքվին ու Երևանին՝ կոչ անելով քաղաքական կամք ցուցաբերել և լուծել հակասությունները»։
