Միջազգային
ԱՄՆ Կոնգրեսի Ներկայացուցիչների պալատը նիստն ավարտել Է՝ առանց խոսնակ ընտրելու
5 Հունվարի 2023, 12:45
ԱՄՆ Կոնգրեսի Ներկայացուցիչների պալատը հունվարի 4-ին ավարտել է իր նիստը՝ այդպես Էլ առանց խոսնակ ընտրելու, կոնգրեսականները կրկին կհավաքվեն դեկտեմբերի 5-ին։ Այս մասին հաղորդում է «Արմենպրես»-ը՝ վկայակոչելով Associated Press գործակալությանը:
Երկու օրերի ընթացքում քվեարկության վեց փուլ է անցկացվել, որոնցից և ոչ մեկում Ներկայացուցիչների պալատը վերահսկող հանրապետականների առաջնորդ Քևին Մաքքարթին չի կարողացել ապահովել մեծամասնության աջակցությունը խոսնակի աթոռն ստանալու համար: Գործակալությունը հաղորդում է, որ քվեարկության բոլոր փուլերն ավարտվել են մոտավորապես նույն արդյունքով. Հանրապետական կուսակցության 20 անդամներ չեն քվեարկել Մաքքարթիի օգտին:
Խոսնակի պաշտոնը զբաղեցնելու համար նրան հարկավոր է առնվազն 218 ձայն:
