Միջազգային
«Հայաստանը մոսկովյան հանդիպումից առաջ Ադրբեջանին առաջարկների նոր փաթեթ է ներկայացրել». Բայրամով
23 Դեկտեմբերի 2022, 17:07
«Մենք գրեթե վերջին պահին իմացանք, որ բանակցությունների երրորդ փուլ չի լինելու։ Հիշեցնեմ, որ բանակցությունների առաջին փուլը տեղի է ունեցել հոկտեմբերին՝ Ժնևում, երկրորդ փուլը՝ նոյեմբերին՝ Վաշինգտոնում, իսկ երրորդ փուլը նախատեսվում էր անցկացնել Մոսկվայում»։ Այս մասին հայտարարել Է Ադրբեջանի արտգործնախարար Ջեյհուն Բայրամովը՝ իր ռուս գործընկեր Սերգեյ Լավրովի հետ բանակցություններից հետո կազմակերպված համատեղ մամուլի ասուլիսի ժամանակ։
Բայրամովը նշել է, որ սպասվող եռակողմ հանդիպումից քիչ առաջ է հայկական կողմը Բաքվին ներկայացրել առաջարկների նոր փաթեթը։ Բայրամովը նաև նշել է, որ ինքը ամբողջությամբ չի ծանոթացել ՀՀ առաջարկներին և ընդհանուր գծերով է ուսումնասիրել փաստաթղթերը։
