«Սերբական հատուկ ջոկատայիններին Կոսովո ուղարկելու գաղափարն անընդունելի է, և Սերբիայի հռետորաբանությունը ինքնահռչակ հանրապետության նկատմամբ չի օգնում թուլացնել լարվածությունը»,-նման հայտարարությամբ կիրակի՝ դեկտեմբերի 11-ին, իր Twitter-ում է հանդես եկել Գերմանիայի արտաքին գործերի նախարար Աննալենա Բերբոքը։
Սերբիայի նախագահ Ալեքսանդր Վուչիչը Կոսովոյում և Մետոհիայում բնակվող սերբերին կոչ է արել զերծ մնալ ՆԱՏՕ-ի և ԵՄ օրենքի գերակայության առաքելության (EULEX) ներկայացուցիչների հետ դիմակայությունից։
Նա զգուշացրել է, որ Կոսովոյի ալբանական ուժերը կարող են սադրանք գործել և ցուցարարների քողի տակ հարձակվել զորախմբի վրա։ Վուչիչը նաև ասել է, որ պաշտոնական Բելգրադը կշարունակի բոլոր օրինական միջոցներով պայքարել Կոսովոյի և Մետոհիայի հարցով։
Kosovo reduced tensions by postponing local elections. Recent rhetoric from Serbia did the opposite. Suggesting sending Serbian forces to Kosovo is completely unacceptable. So are the latest attacks on @EULEXKosovo. All my support goes to the EU-led dialogue @MiroslavLajcak.
— Außenministerin Annalena Baerbock (@ABaerbock) December 11, 2022
