Միջազգային
Դոնֆրիդն ընդգծել է Երևանի և Բաքվի միջև խաղաղության գործընթացի առաջխաղացման կարևորությունը
Ադրբեջանի արտգործնախարար Ջեյհուն Բայրամովն այսօր հեռախոսազրույց է ունեցել ԱՄՆ պետքարտուղարի Եվրոպայի և Եվրասիայի հարցերով օգնական Քերըն Դոնֆրիդի հետ։
Հեռախոսազրույցի ընթացքում Բայրամովը և Դոնֆրիդը մտքեր են փոխանակել Բաքվի և Երևանի միջև խաղաղության գործընթացի ներկա վիճակի և հեռանկարների, ինչպես նաև Ադրբեջանի և ԱՄՆ-ի համագործակցության օրակարգի տարբեր հարցերի շուրջ։
Բայրամովն իր զրուցակցին տեղեկացրել է Հայաստանի հետ բանակցությունների ներկա վիճակի, հաղորդակցության բացմանն ուղղված ջանքերի և սահմանազատման խնդիրների մասին։
Դոնֆրիդն, իր հերթին, ընդգծել է, որ ԱՄՆ-ն աջակցում է տարածաշրջանում կայունության ապահովմանն ուղղված ջանքերին՝ նշելով երկու երկրների պաշտոնյաների միջև ձեռք բերված պայմանավորվածությունների համաձայն խաղաղության գործընթացի առաջխաղացման կարևորությունը։
