Շվեդիան մտադիր է խստացնել իր հակաահաբեկչական օրենսդրությունը՝ փոփոխելով սահմանադրությունը։ Դրանով երկիրը Թուրքիային ընդառաջում է ՆԱՏՕ մուտքի պայմանների շուրջ վեճում։
Ինչպես նոյեմբերի 9-ին պարզաբանել է Շվեդիայի խորհրդարանը, համապատասխան փոփոխությունները թույլ կտան «սահմանափակել ահաբեկչության մեջ ներգրավված խմբերի հավաքների ազատությունը»։
Սպասվում է, որ այս հարցի քվեարկությունը տեղի կունենա նոյեմբերի 16-ին։ Եթե Ռիկսդագի պատգամավորները պաշտպանեն անհրաժեշտ փոփոխությունները, ապա 2023 թվականի հունվարի 1-ից ուժի մեջ կմտնի հակաահաբեկչական օրենսդրության խստացված տարբերակը, որն իր ներկայիս տեսքով գործում է հուլիսից։
Ինչպես բացատրում են փորձագետները, այդ դեպքում Շվեդիայում ավելի հեշտ կդառնա Թուրքիայում արգելված Քրդստանի աշխատավորական կուսակցության (PKK) անդամների դեմ գործեր հարուցելը։
