Թուրքիայում ավտոբուսի վթարի հետևանքով 7 մարդ է զոհվել, 11-ը՝ վիրավորվել, հայտնում է Anadolu գործակալությունը։
Գործակալությունը հաղորդել է, որ վթարը տեղի է ունեցել Տուտակի շրջկենտրոնում՝ Վան-Աղրի երթևեկող մարդատար ավտոբուսի և երկու բեռնատարների մասնակցությամբ:
«Ահազանգ ստանալուց հետո դեպքի վայր են ուղարկվել բժիշկների, հրշեջների և ժանդարմերիայի բազմաթիվ բրիգադներ։ Բախման հետևանքով ավտոբուսում բռնկված հրդեհը մեծ ջանքերից հետո մարվել է հրշեջների կողմից»,- հայտնել է գործակալությունը։
Նշվում է, որ 11 տուժածներից երկուսի վիճակը ծանր է։
