Միջազգային
Պուտինն ու Էրդողանը քննարկել են Սոչիի եռակողմ հանդիպման արդյունքները
ՌԴ նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։ Ի թիվս այլ հարցերի, կողմերը քննարկել են նաև Սոչիում տեղի ունեցած Ռուսաստանի, Հայաստանի և Ադրբեջանի ղեկավարների եռակողմ հանդիպման արդյունքները։ Այս մասին հայտնում է Կրեմլի մամուլի ծառայությունը։
Մտքերի հանգամանալից փոխանակում է տեղի ունեցել Սևծովյան նավահանգիստներից հացահատիկի արտահանման վերաբերյալ պայմանավորվածությունների իրականացման հետ կապված իրավիճակի շուրջ։ Վլադիմիր Պուտինը հայտնել է այս գործարքը կասեցնելու Ռուսաստանի որոշման պատճառների մասին։
Ընդգծվում է, որ Կիևի ռեժիմը, արևմտյան վերահսկողների աջակցությամբ, օգտագործել է ուկրաինական հացահատիկի փոխադրման համար ստեղծված ծովային մարդասիրական միջանցքը՝ Սևաստոպոլում ռուսական Սևծովյան նավատորմի ենթակառուցվածքներին և նավերին հարվածներ հասցնելու համար։ Ռուսաստանի նախագահը հիշեցրել է փաթեթային համաձայնագրերի երկրորդ մասի ձախողումը` ապաշրջափակել ռուսական գյուղմթերքի և պարարտանյութերի արտահանումը համաշխարհային շուկաներ։
Երկխոսությունը շարունակվել է երկկողմ հարաբերությունների որոշ արդիական ասպեկտների շուրջ՝ շեշտը դնելով տնտեսական ոլորտում խոստումնալից նախագծերի վրա։ Պայմանավորվածություն է ձեռք բերվել պահպանել կանոնավոր երկկողմ շփումներ տարբեր մակարդակներով։
