Միջազգային
Բայրամովն ու Դոնֆրիդը քննարկել են Հայաստանի հետ հարաբերությունների կարգավորման գործընթացը
Հեռախոսազրույց է տեղի ունեցել Ադրբեջանի արտգործնախարար Ջեյհուն Բայրամովի և ԱՄՆ պետքարտուղար Էնթոնի Բլինքենի՝ Եվրոպայի և Եվրասիայի հարցերով օգնական Կարեն Դոնֆրիդի միջև։ Այս մասին Ադրբեջանի արտգործնախարարը հայտնել է Twitter-ի միկրոբլոգում։ Զրույցի ընթացքում կողմերը քննարկել են Ադրբեջանի և Հայաստանի հարաբերությունների կարգավորման գործընթացը և խաղաղության ջանքերի հեռանկարները։
«Ես վերահաստատեցի Ադրբեջանի հանձնառությունը և լիակատար պատրաստակամությունը՝ մեր տարածաշրջանում հասնելու խաղաղության և կայունության»,- նշել է Բայրամովը։
Թարմացված
Բայրամովը նշել է, որ Հայաստանը դեռևս չի արձագանքել խաղաղության համաձայնագրի Ադրբեջանի ներկայացված տարրերին, որոնք հայկական կողմին էին փոխանցվել Ժնևում։
Քարեն Դոնֆրիդն իր հերթին ընդգծել է, որ ԱՄՆ-ն աջակցում է տարածաշրջանում խաղաղության և կայունության ապահովմանն ուղղված ջանքերին։ Նա ասել է, որ կարևոր է առաջ տանել խաղաղության գործընթացը՝ երկրի ղեկավարների և ԱԳ նախարարների միջև ձեռք բերված պայմանավորվածություններին համապատասխան:
Had a phone conversation w/🇺🇸 Assistant Secretary @KDonfried @StateEUR on #Azerbaijan-#Armenia normalisation process and perspectives of peace efforts. Once again reiterated my country’s commitment and full readiness to achieve a peace and stability in our region. pic.twitter.com/eZxrzk7oiL
— Jeyhun Bayramov (@Bayramov_Jeyhun) October 28, 2022
