Միջազգային
Իսրայելի պաշտպանության նախարար. «Իրանական սպառնալիքների պայմաններում դաշինքներ են ձևավորվում»
Իսրայելի պաշտպանության նախարար Բենի Գացը իր թուրք գործընկեր Հուլուսի Աքարի հետ հանդիպման ժամանակ հայտարարել է. «Իրանից բխող սպառնալիքների պայմաններում դաշինքներ են կառուցվում։ Անկասկած, Թուրքիան, որը ՆԱՏՕ-ի անդամ է և մեր փոխադարձ բարեկամ ԱՄՆ-ի դաշնակիցը, կարևոր դեր է խաղում համաշխարհային կայունության ապահովման գործում։
Մենք շարունակում ենք ամուր գործընկերություն ունենալ Հունաստանի, Կիպրոսի և Պարսից ծոցի մեր ընկերների հետ, և Թուրքիայի հետ մեր հարաբերությունները նույնպես դրական են դարձել։ Իրականում մենք կարող ենք կամուրջներ կառուցել և նվազեցնել հակամարտությունները՝ ի շահ բոլոր կողմերի:
Առաջ գնալու համար մենք պետք է հետևողական, դրական մոտեցում ցուցաբերենք՝ բաց երկխոսություն պահպանելով մեր հարաբերություններում։ Ինչպես պայմանավորվել էինք մեր քննարկումների ժամանակ, ես իմ թիմին հանձնարարել եմ նախաձեռնել անհրաժեշտ ընթացակարգերը՝ մեր աշխատանքը ընդլայնելու համար»։
