Այսօր՝ հոկտեմբերի 21-ին, հեռախոսազրույց է տեղի ունեցել Ռուսաստանի պաշտպանության նախարար Սերգեյ Շոյգուի և ԱՄՆ պաշտպանության նախարար Լլոյդ Օսթինի միջև։ Այս մասին հայտնել է ՌԴ ՊՆ-ն։
Քննարկվել են միջազգային անվտանգության արդի հարցեր, այդ թվում՝ Ուկրաինայում տիրող իրավիճակը։
Լլոյդ Օսթինն ընդգծել է ուկրաինական պատերազմի պայմաններում հաղորդակցության գծերի պահպանման կարևորությունը:
Նշվում է, որ հեռախոսազանգը տևել է շուրջ 1 ժամ և եղել է Օսթինի նախաձեռնությամբ։ ԱՄՆ պաշտպանության նախարարը զինադադարի կոչ է արել։
Շոյգուի և Օսթինի վերջին խոսակցությունը տեղի էր ունեցել մայիսի 13-ին, մինչ այժմ այն միակն էր Ռուսաստանի կողմից իրականացվող հատուկ գործողության սկզբից։
