Իրանի խոշոր Էվին բանտում, որտեղ քաղբանտարկյալներ են պահվում, հրդեհի հետևանքով ըստ պաշտոնական տվյալների, 4 մարդ է զոհվել, 61-ը՝ վիրավորվել։ Հրդեհը բռնկվել է նախօրեին։ Պատճառը հայտնի չէ։ Իրանի իշխանությունները տեղի ունեցածի համար մեղադրում են բանտարկյալներին:
Ականատեսները նախօրյակին պատմել են, որ բանտի համալիրից որոշ ժամանակ կրակոցներ ու պպայթյուններ են լսվել:
Պետական լրատվական գործակալության վարկածով ՝ հրդեհի պատճառը հրկիզումն է եղել.բանտի արհեստանոցներից մեկը հրկիզել են «ֆինանսական հանցագործությունների և գողության համար դատապարտված մի քանի բանտարկյալների միջև ծեծկռտուքից հետո»։
