Միջազգային
Պուտինն ու Զելենսկին կմասնակցեն G20-ի համաժողովին. Ինդոնեզիայի ԱԳ նախարար
11 Հոկտեմբերի 2022, 17:02
Ինդոնեզիայի ԱԳ նախարար Ռետնո Մարուտին հաստատել է, որ Ռուսաստանի և Ուկրաինայի նախագահներ Վլադիմիր Պուտինը և Վլադիմիր Զելենսկին կմասնակցեն Բալիում կայանալիք G20-ի գագաթնաժողովին։
«Մեր հրավերի պատասխանը դեռևս դրական է»,- Ջակարտայում կայացած մամուլի ասուլիսում ասել է ԱԳ նախարարը: Նա նշել է, որ «համաշխարհային իրավիճակը ներկայումս անկայուն է», բայց ԱԳՆ-ն շարունակում է կապ հաստատել երկու պետությունների ղեկավարների հետ:
Նախարարը նաև նշել է, որ Ինդոնեզիայի կառավարությունն առավելագույն ջանքեր է գործադրել, որպեսզի բոլոր հրավիրված երկրները կարողանան մասնակցել G20-ի գագաթնաժողովին: Բարձր մակարդակով հանդիպումը տեղի կունենա Բալի կղզում՝ նոյեմբերի 15-16-ին։
