Միջազգային
Վրաստանը և Ռումինիան ռազմավարական գործընկերության համաձայնագիր են ստորագրել
12 Հոկտեմբերի 2022, 20:10
Վրաստանի և Ռումինիայի նախագահներ Սալոմե Զուրաբիշվիլին և Կլաուս Յոհաննիսը ռազմավարական հարաբերություններ հաստատելու մասին համաձայնագիր են ստորագրել: Այս մասին հայտնում է Վրաստանի նախագահի աշխատակազմի հասարակայնության հետ կապերի վարչությունը։ Փաստաթղթի ստորագրման արարողությունը տեղի է ունեցել Բուխարեստի «Կոտոչեն» պալատում:
«Ռազմավարական գործընկերության մասին այսօրվա պատմական համաձայնագիրը նոր էջ կբացի երկու երկրների հարաբերություններում և կդառնա Վրաստանի և Ռումինիայի ժողովուրդների համար առավել հաջող և բարգավաճ ապագայի նախանշան»,- ասված է հաղորդագրության մեջ:
