Միջազգային
Գերմանիայի Մարդու իրավունքների հանձնակատարը կոչ է արել հետաքննել հայ ռազմագերիների գնդակահարությունը ցուցադրող տեսանյութը
5 Հոկտեմբերի 2022, 20:52
Գերմանիայի Դաշնային կառավարության Մարդու իրավունքների և մարդասիրական օգնության հանձնակատար Լուիզա Ամթսբերգ կոչ է արել պատժել ադրբեջանցի զինվորականների կողմից հայ գերիների սպանության մեղավորներին։ Այս մասին իրավապաշտպանը գրել է Twitter-ի իր միկրոբլոգում։
«Սարսափած եմ այն տեսանյութից, որը, ըստ երևույթին, ցույց է տալիս հայ ռազմագերիների գնդակահարությունը։ Հայաստանի և Ադրբեջանի միջև հակամարտությունում ցանկացած ենթադրյալ ռազմական հանցագործություն պետք է հետաքննվի։ Մեղավորները պետք է պատասխանատվության ենթարկվեն»,- գրել է Ամթսբերգ:
