Գերմանիայի նախկին կանցլեր Անգելա Մերկելի հուշերը կհրապարակվեն 2024 թվականի աշնանը։ Այս մասին հայտնել է Kiepenheuer & Witsch հրատարակչությունը։
68-ամյա Մերկելը քաղաքական հուշեր է գրում իր երկարամյա օգնական, նախկին կանցլերի բյուրոյի ղեկավար Բեատե Բաումանի հետ։ «Ես ուրախ եմ Բեատա Բաումանի հետ գրված գրքում վերլուծել կենտրոնական որոշումները և իմ քաղաքական աշխատանքում ծագած իրավիճակները, ինչպես նաև՝ բացատրել դրանք լայն հանրությանը՝ անդրադառնալով իմ անձնական պատմությանը»,-կառավարության նախկին ղեկավարի խոսքն է մեջբերել հրատարակչությունը:
