Միջազգային
Լեհաստանը Գերմանիայից ավելի քան 1,3 տրիլիոն դոլարի չափով փոխհատուցում կպահանջի
Լեհաստանը Գերմանիայից ավելի քան 1,3 տրիլիոն դոլարի չափով փոխհատուցում կպահանջի. երկիրն այդքան է գնահատել Երկրորդ համաշխարհային պատերազմի ընթացքում իր կորուստները։
Վարշավայի ՝ Բեռլինից պաշտոնապես փոխհատուցում պահանջելու մտադրության մասին հայտարարել է Լեհաստանում իշխող «Իրավունք ՝ արդարություն» պահպանողական կուսակցության առաջնորդ Յարոսլավ Կաչինսկին։ Գումարի չափը սահմանել է հատուկ ստեղծված հանձնաժողովը․ «Հասցված վնասի գումարը հաշվարկվել է առավել սահմանափակ, պահպանողական մեթոդով, այն միանգամայն կարող էր ավելի մեծ լինել»,- հայտարարել է Կաչինսկին 1939 թվականի սեպտեմբերի 1-ին Լեհաստան գերմանական զորքերի ներխուժման 83-րդ տարելիցին նվիրված մամուլի ասուլիսում, որը սկիզբ դրեց Երկրորդ աշխարհամարտին:
Գերմանիայի իշխանությունները և երկրի արտաքին գործերի նախարարության ներկայացուցիչները դեռևս չեն մեկնաբանել Վարշավայի հայտարարությունը:
