Ամստերդամի քաղաքային խորհուրդը համաձայնել է առնվազն 1000 փախստականի ժամանակավորապես տեղավորել զբոսաշրջային նավի վրա՝ երկրում ապաստան հայցողների համար տարածքի բացակայության պատճառով, հայտնում է NLTimes-ը։
Նշվում է, որ փախստականները հոկտեմբերի 1-ից զբոսաշրջային նավում կկարողանան մնալ առնվազն վեց ամիս։ Նրանց տեղաբաշխման ծախսերը կհոգա Նիդերլանդների կառավարությունը։
Աղբյուրի տեղեկություններով՝ հնարավոր է, որ ապագայում այնտեղ տեղակայվածների թիվը հասնի 1,5 հազարի։ Ներկայումս Ամստերդամում 2100 փախստական կա՝ չհաշված ուկրաինացիներին։
