Իրանի ԱԳ նախարար Հոսեյն Աբդոլլահյանը աշխատանքային այցով կգտնվի Մոսկվայում, որի ընթացքում տեղի կունենան նրա բանակցությունները Ռուսաստանի ԱԳ նախարար Սերգեյ Լավրովի հետ: Այս մասին հայտնել է ՌԴ ԱԳՆ-ն։
Ինչպես հայտարարել է ՌԴ ԱԳՆ-ն, ենթադրվում է շարունակել շահագրգիռ կարծիքների փոխանակումը մի շարք արդիական միջազգային հարցերի շուրջ, ներառյալ՝ իրանական միջուկային ծրագրի Գործողությունների համատեղ համապարփակ ծրագրի շուրջ ստեղծված իրավիճակը, Ուկրաինայի, Սիրիայի, Աֆղանստանի, Անդրկովկասի և Կասպից ծովի շուրջ ստեղծված իրադրությունը:
