Միջազգային
Թուրքիայի պաշտպանության նախարարը Հունաստանին անվանել է «վատ հարևան»
29 Օգոստոսի 2022, 23:33
Թուրքիայի պաշտպանության նախարար Հուլուսի Աքարը սուր քննադատության է ենթարկել Հունաստանին՝ անվանելով «վատ հարևան»։
«Մեր «վատ հարևանի» գործողությունները Էգեյան ծովում բացատրություն չունեն։ Այդ գործողությունները չպետք է անտեսվեն: Պետք է գնահատական տրվի. Նման անխոհեմությունն անընդունելի է»,- ասել է Աքարը՝ մեկնաբանելով Թուրքիայի ռազմաօդային ուժերի ինքնաթիռների դեմ «սադրանքները»։
Նախարարը վստահեցրել է, որ Թուրքիան անպատասխան չի թողնի հունական կողմի և ոչ մի «սադրիչ քայլ»։
Նրա խոսքով՝ Աթենքը զենք է տեղակայում մի շարք կղզիներում, ինչը հակասում է «ապառազմականացված գոտիների» միջազգային կարգավիճակին։ Հուլուսի Աքարն ուշադրություն է հրավիրել Աթենքի գործողություններին արևմտյան երկրների արձագանքի բացակայության վրա։
