Գերմանիայի նախկին կանցլեր Գերհարդ Շրյոդերը դատի է տվել երկրի խորհրդարանին՝ Բունդեսթագին՝ պահանջելով վերադարձնել իր մոտ մասամբ հետ կանչված արտոնությունները, հաղորդում է Deutsche Welle-ն:
78-ամյա քաղաքական գործիչը պահանջում է, որ իրեն կրկին տրամադրեն աշխատակազմ և կանցլերի գրասենյակ։ Դա հաստատել է նրա փաստաբան Մայքլ Նագելը։
Ըստ Շրյոդերի իրավաբանների՝ Բունդեսթագի բյուջետային կոմիտեի կողմից նրա գրասենյակի ֆինանսավորման կրճատման որոշումն անօրինական է։
