Չինաստանը հույս ունի, որ Ադրբեջանն ու Հայաստանը քաղաքական երկխոսության միջոցով կվերացնեն տարաձայնությունները, ինչպես նաև կհետևեն կրակի դադարեցման շուրջ ձեռք բերված պայմանավորվածություններին։ Այդ մասին երկուշաբթի օրը՝ ճեպազրույցի ժամանակ, հայտարարել Է Չինաստանի ԱԳՆ պաշտոնական ներկայացուցիչ Վան Վենբինը: Նրա խոսքով՝ պաշտոնական Պեկինն ուշադրություն է դարձնում շփման գծում իրավիճակի սրման մասին հաղորդագրություններին։
«Ադրբեջանն ու Հայաստանը Չինաստանի բարեկամ գործընկերներն են։ Մենք հույս ունենք, որ երկու կողմերն էլ կհետևեն ձեռք բերված պայմանավորվածություններին և հրադադարին ու կխուսափեն իրավիճակի հետագա էսկալացիայից, ինչպես նաև՝ քաղաքական երկխոսության միջոցով կկարողանան վերացնել տարաձայնությունները»,- «Риа Новости»-ն է փոխանցել դիվանագետի խոսքերը:
