Միջազգային
Ուկրաինայի նավահանգիստներից դուրս է եկել եգիպտացորենի երեք բեռնանավ
Ուրբաթ առավոտյան ուկրաինական եգիպտացորենով երեք նավ է մեկնել Օդեսայի և Չեռնոմորսկի նավահանգիստներից։ «Նրանցում առկա է 57 հազար տոննա եգիպտացորեն»,- գրել է Ուկրաինայի ենթակառուցվածքների նախարար Ալեքսանդր Կուբրակովը։
Navistar, Rojen և Polarnet բեռնանավերը ուղևորվում են Թուրքիա, Մեծ Բրիտանիա և Իռլանդիա:
Թուրքիայի ՊՆ տվյալներով՝ Navistar-ը Օդեսայից դուրս է եկել Պանամայի դրոշի ներքո և տեղափոխում է 33 հազար տոննա եգիպտացորեն, որը նախատեսված է իռլանդական Ռինգասկիդդինում բեռնաթափելու համար:
Rojen-ը սևծովյան ափից դուրս է եկել Մեծ Բրիտանիայի ուղղությամբ, որում կա 13 հազար տոննա եգիպտացորեն։ Polarnet բեռնանավը նույնպես դուրս է եկել սևծովյան ափից և ընթանում է թուրքական դրոշի ներքո՝ ուղևորվելով թուրքական Կարասու։
Բոլոր նավերը ստուգվելու են Ստամբուլի նավահանգստի համակարգող կենտրոնում գտնվող համատեղ տեսչական խմբի կողմից:
«Մենք ակնկալում ենք, որ ՄԱԿ-ից և Թուրքիայից մեր գործընկերների անվտանգության երաշխիքները կշարունակեն գործել, իսկ սննդի արտահանումը մեր նավահանգիստներից կայուն և կանխատեսելի կդառնա շուկայի բոլոր մասնակիցների համար»,- գրել է Ուկրաինայի ենթակառուցվածքների նախարար Կուբրակովը։
Նրա խոսքով՝ դրա համար նախատեսվում է ապահովել նավահանգիստների՝ ամսական ավելի քան 100 նավ սպասարկելու հնարավորությունը։ Պաշտոնյան նշել է, որ թեև «հացահատիկային միջանցքն» արդեն ելք է վաստակել, սակայն նպատակը երկու ուղղություններով նավահանգիստների լիարժեք շահագործումն է։
