Եվրոպական մի շարք երկրներ դեռ պայքարում են անտառային հրդեհների դեմ։ Հազարավոր ակր հողեր են այրվել, և ամբողջ մայրցամաքում մարդիկ ստիպված են եղել լքել իրենց տները։
Իսպանիա
Հրդեհները սկսվել են հինգշաբթի՝ Տեներիֆում, Կանարյան կղզիներում։ Հրդեհը տարածվել է մի քանի քաղաքներում, իսկ չընդհատվող քամին բարդացրել է հրշիջման աշխատանքները։ Տեներիֆեի որոշ բնակիչներ ստիպված են եղել տարհանվել ընտանի կենդանիների հետ միասին։
Սլովենիա
Անտառային հրդեհներն ուժեղացել են հինգշաբթի և ուրբաթ օրերին՝ երկրի արևմուտքում, Իտալիայի հետ սահմանից ոչ հեռու: Կրասայի շրջանում մի քանի գյուղեր տարհանվել են, հազարավոր հրշեջներ պայքարում են կրակի տարածման դեմ։
Հունաստան
Լեսբոս կղզու զբոսաշրջային հայտնի շրջանից ստիպված են եղել տարհանել տուրիստներին։ Լեռնային անտառներում սկսված հրդեհը տարածվել և ոչնչացրել է լողափում գտնվող տները:
Ֆրանսիա
Ժիրոնդի հարավ-արևմտյան շրջանում երկու խոշոր հրդեհները հաջողվել է տեղայնացնել վթարային-փրկարարական ծառայությունների շուրջօրյա ջանքերի շնորհիվ: Կրակի հետևանքով հազարավոր հեկտար ավերածություններ են եղել։
