Հնդկաստանը նոր նախագահ ունի՝ 64-ամյա Դրաուպադի Մուրմուն։
Նա երկրի երկրորդ կին նախագահն է։
Մուրմուն Օդիշա նահանգի Բհուբանեսվարի Ռամա Դևի արվեստների համալսարանի շրջանավարտ է, աշխատել է որպես ուսուցչուհի, քաղաքականությամբ զբաղվում է ավելի քան 20 տարի՝ զբաղեցրել է Օդիշայի կառավարության խորհրդականի, տրանսպորտի նախարարի և տեղական խորհրդարանի անդամի պաշտոնները: 2015 թվականին նա դարձավ Ջարկհանդի առաջին կին նահանգապետը։
Հնդկաստանի նախագահը հիմնականում կատարում է ներկայացուցչական գործառույթներ՝ հաստատելով կառավարության կանոնակարգերը։
