«Ճապոնիան կշարունակի նախապատրաստվել խորհրդարանի վերին պալատի ընտրություններին, որոնք նշանակված են հուլիսի 10-ին». այս մասին այսօր լրագրողներին հայտարարել է Ճապոնիայի վարչապետ Ֆումիո Կիսիդան՝ մեկնաբանելով նախկին վարչապետ Սինձո Աբեի սպանությունը։
Քիսիդան ընդգծել է, որ կաբինետին հանձնարարել է անել ամեն ինչ՝ անվտանգ ընտրություններ անցկացնելու համար։ Ավելի վաղ՝ Սինձո Աբեի դեմ մահափորձի ֆոնին, Ճապոնիայի իշխող Լիբերալ-դեմոկրատական կուսակցությունը որոշել էր դադարեցնել ընտրարշավը, ներառյալ՝ թեկնածուների նախընտրական հանդիպումներն ու ելույթները։
