Ֆիլիպինների նախկին դիկտատոր Ֆերդինանդ Մարկոսի որդին ընտրվել է երկրի նախագահ։ Հինգշաբթի օրը՝ հունիսի 30-ին, Ֆերդինանդ Մարկոս կրտսերը, նույն ինքը՝ «Բոնգբոնգ» Մարկոսը, երդվել է՝ որպես պետության 17-րդ ղեկավար։ Հանդիսավոր արարողությունը տեղի է ունեցել Մանիլայի Կերպարվեստի ազգային թանգարանում՝ հարյուրավոր բարձրաստիճան անձանց ներկայությամբ, այդ թվում՝ արտերկրից։
64-ամյա Մարկոս կրտսերը հաղթել էր մայիսի 9-ի ընտրություններում։ Նախագահ Ռոդրիգո Դուտերտեի դուստրը՝ Սառա Դուտերտե-Կարպիոն, դարձել է փոխնախագահ և երդվել է հունիսի 9-ին, իսկ պաշտոնն ստանձնել է հունիսի 30-ին։
