Iran International-ը հայտնում է, որ Իրանի և ԱՄՆ-ի ներկայացուցիչներն անուղղակի բանակցություններ են սկսել Կատարի մայրաքաղաք Դոհայում։
Ենթադրաբար, բանակցությունները կտևեն երկու-երեք օր։ ԱՄՆ պատվիրակությունը գլխավորում է նախագահի իրանական հարցով հատուկ բանագնաց Ռոբ Մալլին, իսկ իրանական պատվիրակությունը՝ փոխարտգործնախարար Ալի Բաղերի-Քանին։ Միջուկային համաձայնագրի վերականգնման շուրջ բանակցություններում ԵՄ խոսնակ Էնրիկե Մորան հանդես է գալիս որպես միջնորդ։
ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը թվիթերում գրել է. «Իմ թիմն այսօրվանից Դոհայում է, որպեսզի համակարգի և դյուրացնի ԱՄՆ-ի և Իրանի բանակցողների շփումները»:
After my consultations in Tehran, my team is as of today in Doha to coordinate and facilitate indirect exchanges between US and Iranian negotiators.
— Josep Borrell Fontelles (@JosepBorrellF) June 28, 2022
The goal of the proximity talks is to advance work to return to a fully operational and implemented #JCPOA.
