Մցխեթա-Ստեփանծմինդա-Լարս միջպետական ավտոճանապարհի 136-րդ կիլոմետրում (չեզոք գոտի) ճանապարհը վնասվել է։
Վրաստանի ավտոճանապարհների դեպարտամենտը հայտնում է, որ հորդառատ անձրևների և առատ տեղումների հետևանքով բարձրացել է Թերգի գետի մակարդակը, ինչի պատճառով էլ վնասվել է ճանապարհահատվածը։
Դեպարտամենտի փոխանցմամբ՝ նշված հատվածում մինչև համապատասխան միջոցներ ձեռնարկելը արգելվում է բոլոր տեսակի տրանսպորտային միջոցների երթևեկությունը։
