Իսրայելը և Միացյալ Նահանգները ստեղծել են Մերձավոր Արևելքի ՀՕՊ դաշինք։ Այս մասին, ըստ Reuters-ի, հայտարարել է Իսրայելի պաշտպանության նախարար Բենի Գանցը։
Նախարարը մանրամասնել է, որ դաշինքը Իսրայելին թույլ կտա հարաբերություններ հաստատել տարածաշրջանի այլ երկրների՝ Սաուդյան Արաբիայի, ԱՄԷ-ի, Բահրեյնի, ինչպես նաև՝ Պարսից ծոցի համագործակցության խորհրդի այլ երկրների հետ։ Բացի այդ, դաշինքի անդամները կփոխանակեն տվյալներ ՀՕՊ համակարգերից, սակայն համակարգերը տարբեր կլինեն յուրաքանչյուր երկրի համար։
Գանցի խոսքով՝ նոր դաշինքն արդեն խափանել է Իրանի մի քանի հարձակում և կարող է ամրապնդվել ԱՄՆ նախագահ Ջո Բայդենի՝ Իսրայել կատարած այցից հետո:
