Ռուսական գազի մատակարարումների կրճատման ֆոնին Ավստրիան որոշել է վերաբացել Գրացից հարավ գտնվող Մելլախ քաղաքի՝ ածուխով աշխատող էլեկտրակայանը։ Վիեննայի դաշնային կանցլերի գրասենյակը կիրակի՝ հունիսի 19-ին, հայտնել է, որ իշխանությունները աշխատում են երկրի խոշորագույն էլեկտրաէներգետիկ ընկերության՝ Verbund-ի հետ, որպեսզի փոխարկեն էլեկտրակայանը՝ գազի սակավության դեպքում ածուխով աշխատելու համար:
Ածխակայանի աշխատանքի վերսկսումը և էլեկտրակայանի վերանորոգումը, ըստ Ավստրիայի կառավարության, կտևի մի քանի ամիս։
