Գերմանիայի կանցլեր Օլաֆ Շոլցը, Ֆրանսիայի նախագահ Էմանուել Մակրոնը և Իտալիայի վարչապետ Մարիո Դրագին գնացքով մեկնել են Կիև։ Այդ մասին հաղորդել են գերմանական և իտալական լրատվամիջոցները։ Ուղևորության մասին պաշտոնապես չի հայտարարվել՝ անվտանգության նկատառումներից ելնելով։
Կիևում սպասվում են բանակցություններ Զելենսկու և այլ պաշտոնյաների հետ։ Հիմնական թեմաներն են ծանր սպառազինության մատակարարումները, նոր հակառուսական պատժամիջոցների և դաշնակիցների միասնական դիրքորոշումների հստակեցումը։