Միջազգային
Չավուշօղլուն ասել է, որ Կիպրոսի շուրջ բանակցությունները հնարավոր են երկու պետությունների ճանաչման հիման վրա
Թուրքիայի արտգործնախարար Մեվլութ Չավուշօղլուն հայտարարել է, որ Կիպրոսի կարգավորման բանակցություններն այժմ հնարավոր են կղզում երկու ինքնիշխան պետությունների գոյության ճանաչման սկզբունքի հիման վրա։ Չավուշօղլուի հայտարարությունները մեջբերել է թուրքական TRT հեռուստաալիքը։
Կիպրոսը բաժանվել է 1974 թվականին՝ Թուրքիայի զինված ներխուժումից հետո, որը հրահրվեց կղզին Հունաստանին միացնելու կողմնակիցների հեղաշրջման արդյունքում: Ռազմական գործողությունների արդյունքում Կիպրոսի տարածքի մոտավորապես 37%-ը հայտնվեց Թուրքիայի վերահսկողության տակ։ Կղզու հարավային մասը մնաց Կիպրոսի վերահսկողության տակ։
Կիպրոսի վերամիավորման շուրջ հունական և թուրքական համայնքների միջև բանակցություններն ընթանում են ՄԱԿ-ի միջնորդությամբ։ Դրանք ընդհատվել էին 2017 թվականին՝ Կրանս-Մոնտանա քաղաքում անցկացված բանակցային փուլի ձախողումից հետո։
