Միջազգային
Մեծ Բրիտանիայի վարչապետ Բորիս Ջոնսոնին կարող են անվստահություն հայտնել
Պահպանողական կուսակցության առաջնորդ և Մեծ Բրիտանիայի վարչապետ Բորիս Ջոնսոնի վստահության հարցը կարող է քննարկվել արդեն հունիսի 6-ից։ Այս մասին երկուշաբթի Twitter-ում հայտնել է ITV հեռուստաալիքի խմբագիր Փոլ Բրենդը։
Վստահության քվեն իրականանում է, եթե 54-ից ավելի պահպանողական պատգամավոր պաշտոնապես պահանջում է վարչապետի հեռացումը: Ինչպես նախօրեին գրել էր Sunday Times-ը, Ջոնսոնի հրաժարականի օգտին արդեն արտահայտվել է 67 պատգամավոր։
Քվեարկությունը կարող է տեղի ունենալ արդեն այս շաբաթ: «Պահպանողական պատգամավորների գաղտնի քվեարկությունն այս դեպքում տեղի կունենա մի քանի օրից»,- ասել է Բրենդը։
Այս դեպքում վարչապետին անհրաժեշտ կլինի ձայների պարզ մեծամասնությունը (180 և ավելի), որից հետո նա առնվազն մեկ տարի պաշտպանված կլինի նմանատիպ վստահության քվեարկություններից։
