Զելենսկին իր Twitter-ում հայտնել է Մեծ Բրիտանիայի վարչապետ Բորիս Ջոնսոնի հետ զրույցի մասին։
«Ես տեղեկացրել եմ ռազմաճակատում տիրող իրավիճակի մասին, ստացել եմ Ուկրաինային պաշտպանական աջակցության նոր ուժեղացված փաթեթի վերահաստատումը: Մենք անդրադարձել ենք անվտանգության երաշխիքների հետ կապված աշխատանքների ակտիվացման խնդրին: Միացյալ Թագավորության հետ մենք ուղիներ ենք փնտրում սննդամթերքի համաշխարհային ճգնաժամը կանխելու և նավահանգիստները ապաշրջափակելու համար»,- գրել է Զելենսկին։
Ավելի վաղ Մեծ Բրիտանիան հայտարարել էր, որ Ուկրաինա է ուղարկում M270 առաջադեմ հրթիռային կայանքներ:
Ջոնսոնն այսօր սպասում է Պահպանողական կուսակցության խորհրդարանական խմբակցության քվեարկությանը՝ վարչապետին անվստահություն հայտնելու հարցով։ Պատճառը որոշ պատգամավորների զայրույթն է՝ կապված Սյու Գրեյի զեկույցի հետ, ով հետաքննում էր վարչապետի նստավայրում կորոնավիրուսի հետ կապված կարանտինային ռեժիմի խախտումները։
