Ռուսաստանի Դաշնության նախագահի խոսնակ Դմիտրի Պեսկովն անդրադարձել է ՌԴ արտգործնախարար Սերգեյ Լավրովի` Թուրքիա կատարելիք այցին։ Նա նշել է, որ Ստամբուլում Ռուսաստանի, Ուկրաինայի և ՄԱԿ-ի պատվիրակությունների հնարավոր հանդիպման վերաբերյալ դեռ հստակ ըմբռնում չկա:
Պատասխանելով հարցին, թե հունիսի 8-ին ՌԴ ԱԳ նախարար Սերգեյ Լավրովի այցը Թուրքիա արդյոք կապվա՞ծ է Մոսկվայի, Կիևի և ՄԱԿ-ի պատվիրակությունների՝ Ստամբուլում հնարավոր հանդիպման նախապատրաստման հետ, Պեսկովն ասել է. «Այս ամենի համատեքստը նույնն է: Հետևաբար, այո, իսկապես, այստեղ բոլոր իրադարձություններն անուղղակիորեն կապված են։ «Բայց չկա հստակ ըմբռնում նման հանդիպման վերաբերյալ»:
