Միջազգային
Փախստականների թիվն աշխարհում առաջին անգամ գերազանցել է 100 միլիոնը. ՄԱԿ
24 Մայիսի 2022, 9:31
Փախստականների և ներքին տեղահանվածների թիվը, որոնք ստիպված են եղել լքել իրենց տները մարդու իրավունքների ոտնահարման և բռնության պատճառով, ռեկորդային է. այն առաջին անգամ գերազանցել է 100 միլիոնը: Նման տվյալներ է երկուշաբթի օրը՝ մայիսի 23-ին, Ժնևում հրապարակել ՄԱԿ-ի փախստականների հարցերով գերագույն հանձնակատարի գրասենյակը։
«Հարյուր միլիոնը սթափեցնող և մտահոգիչ թիվ է»․ ասել է ՄԱԿ-ի փախստականների հարցերով գերագույն հանձնակատար Ֆիլիպո Գրանդին. «Սա պետք է արթնացման կոչ լինի՝ լուծել և կանխել կործանարար հակամարտությունները, դադարեցնել հալածանքները և լուծել այն հիմնական պատճառները, որոնք անմեղ մարդկանց դրդում են փախուստի»:
