Միջազգային
SpaceX, Blue Origin և Virgin Galactic հրթիռներից աղտոտումը կարող է վնաս հասցնել Երկրի կլիմային
SpaceX-ի, Blue Origin-ի և Virgin Galactic-ի կողմից կառուցված հրթիռների աղտոտումը կարող է վնասակար լինել մարդու առողջության և Երկրի կլիմայի համար:
«Հրթիռներից մթնոլորտային աղտոտվածությունը», որը հրապարակվել է Physics of Fluids ամսագրում, թվային տեսքով նմանակել է SpaceX-ի Falcon 9- նման ստանդարտ հրթիռի արտանետած գազերը տարբեր բարձրությունների վրա:
Հետազոտության մեջ ասվում է, որ կոմերցիոն տիեզերական ընկերությունների կողմից հրթիռների արձակման աճը «կարող է զգալի կուտակային ազդեցություն ունենալ կլիմայի վրա»: Նշվում է, որ դա պայմանավորված է ածխաթթու գազի և ազոտի օքսիդների մեծ քանակով, որոնք առաջանում են յուրաքանչյուր արձակման ժամանակ։
Հետազոտությունը ցույց է տվել, որ ազոտի օքսիդների կոնցենտրացիան, որը բարձրացող հրթիռն արձակում է երկու խորանարդ կիլոմետր մթնոլորտային օդի մեջ, Առողջապահության համաշխարհային կազմակերպության (ԱՀԿ) չափանիշներով «վտանգավոր է համարվում մարդու առողջության համար»:
«Մթնոլորտային ազդեցությունները որոշիչ գործոն կլինեն, որը մանրազնին դիտարկում է պահանջում հրթիռների արձակման պլանավորման ժամանակ»,- գրել են հետազոտության հեղինակներ Իոաննիս Կոկկինակիսը և Դիմիտրիս Դրիկակիսը:
Նրանց խոսքով՝ հրթիռների կոմերցիոն արձակումների քանակի աճին զուգահեռ պետք է հաշվի առնել դրան հաջորդող մթնոլորտային աղտոտվածությունը:
Blue Origin-ի ներկայացուցիչն Insider-ին ասել է, որ New Shepard հրթիռը «լիցքավորվում է բարձր արդյունավետության և մաքուր հեղուկ թթվածնով և ջրածնով», իսկ միակ կողմնակի պրոդուկտն «առանց ածխածնի արտանետման ջրային գոլորշին է»:
