Միջազգային
«Թուրքիան չի կարող հրաժարվել Ռուսաստանի հետ հարաբերություններից». Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ մտադիր չէ խզել հարաբերությունները ո՛չ Վլադիմիր Պուտինի, ո՛չ Վլադիմիր Զելենսկու հետ, և շարունակելու է «հեռախոսային դիվանագիտությունը» երկու կողմերի հետ։
«Ես մտադրություն չունեմ խզելու հարաբերությունները ո՛չ Պուտինի, ո՛չ պարոն Զելենսկու հետ։ Ես շարունակում եմ հեռախոսային դիվանագիտությունը նրանց հետ։ Մենք մեր հատուկ ներկայացուցչին ուղարկել է և՛ Մոսկվա, և՛ Կիև։ Մենք շարունակելու ենք մեր քաղաքականությունը, նոր համաշխարհային պատերազմը ոչ մեկին ձեռնտու չէ»,- ասել է Էրդողանը։
Նախագահը նաև ասել է, որ Թուրքիան չի կարող հրաժարվել Ռուսաստանի հետ հարաբերություններից, ռուսական գազից. «սա ռազմավարական խնդիր է»։ «Մենք կապեր ունենք երկու կողմերի հետ: Մենք Ռուսաստանի հետ Աղկույու ԱԷԿ-ի նախագիծն ենք իրականացնում։ Հաջորդ տարի այս նախագիծը կավարտենք ու կբացենք։ Սա շատ լուրջ աղբյուր է մեզ համար։ Մեր սպառած գազի 50%-ը մենք ստանում ենք Ռուսաստանից։ Սա մեզ համար ռազմավարական խնդիր է, ռազմավարական հարաբերություններ։ Մենք չենք կարող հրաժարվել դրանցից»,- ասել է Էրդողանը։
