Եվրախորհրդարանը բանաձև է ընդունել, որով ԵՄ-ին կոչ է անում՝ պատժամիջոցներ սահմանել Գերմանիայի նախկին կանցլեր Գերհարդ Շրյոդերի դեմ (նա պաշտոնավարել է 1998-2005թթ․): Այս մասին հինգշաբթի հայտնել է DPA գործակալությունը։
Եվրախորհրդարանի պատգամավորների ճնշող մեծամասնությունը կողմ է արտահայտվել Շրյոդերի դեմ ԵՄ պատժամիջոցների սահմանմանը։ Դրա պատճառը, ըստ DPA-ի, Ռուսաստանի հետ նրա սերտ կապերն են։ Եթե դա ընդունվի, ԵՄ-ում Գերմանիայի նախկին կանցլերի ակտիվները կարող են սառեցվել։
