Կրեմլի պաշտոնական կայքի փոխանցմամբ, ՀԱՊԿ անդամ երկրների ղեկավարները համատեղ հայտարարություն են տարածել, որտեղ նշված է, թե ՀԱՊԿ երկրների ղեկավարները կարևոր են համարում մայրցամաքում լարվածության թուլացումը, հաստատում են ՆԱՏՕ-ի հետ համագործակցություն հաստատելու իրենց պատրաստակամությունը։
Ըստ հայտարարության. «Գիտակցելով Եվրասիական տարածաշրջանում կայուն խաղաղություն ապահովելու մեր պատասխանատվությունը՝ մենք ընդգծում ենք մայրցամաքում լարվածության նվազեցման կարևորությունը և հաստատում ենք մեր պատրաստակամությունը գործնական համագործակցություն հաստատել Հյուսիսատլանտյան դաշինքի հետ»։