Միջազգային
«Արևմտյան պատժամիջոցներին ՀԱՊԿ-ը պետք է դիմակայի միասնաբար». Լուկաշենկո
16 Մայիսի 2022, 16:02
Մոսկվայում ընթանում է ՀԱՊԿ անդամ երկրների ղեկավարների նիստը։ Գագաթնաժողովը տեղի է ունենում ՀԱՊԿ 30-ամյակի կապակցությամբ։ Գագաթնաժողովի ընթացքում Բելառուսի նախագահ Լուկաշենկոն ասել է, որ Արևմուտքի «դժոխային» պատժամիջոցներից կարելի էր խուսափել, եթե ՀԱՊԿ երկրները միասնական ճակատով դուրս գային նրանց դեմ։ Լուկաշենկոն նաև առաջարկել է Չինաստանի փորձը օգտագործել՝ ՀԱՊԿ անդամ երկրների ինֆորմացիոն անվտանգության կազմակերպման համար։
Նշենք, որ գագաթնաժողովի ավարտին ՀԱՊԿ ղեկավարները համատեղ հայտարարություն կընդունեն ռազմական համագործակցության վերաբերյալ, այդ թվում՝ հաշվի առնելով Ղազախստանում խաղաղապահ գործողության արդյունքները։
