Միջազգային
Մարին Լե Պենը կփորձի ռևանշի հասնել Մակրոնի նկատմամբ խորհրդարանական ընտրություններում
8 Մայիսի 2022, 18:53
Ֆրանսիացի ծայրահեղ աջակողմյան քաղաքական գործիչ Մարին Լե Պենը նախագահական ընտրություններում կրած պարտությունից շաբաթներ անց կիրակի վերադարձել է նախընտրական պայքարին՝ իրեն հունիսին կայանալիք խորհրդարանական ընտրությունների թեկնածու հայտարարելով։
«Հուսով եմ, որ ուժեղ ներկայություն կապահովենք խորհրդարնում, որպեսզի նորից գլխավորենք պայքարը սոցիալական քաղաքականության դեմ, որը ցանկանում է սահմանել Էմանուել Մակրոնը»,- ասել է նա՝ հավելելով, որ առաջադրվելու է Պա դե Կալեի իր ընտրատարածքում:
Լե Պենը ելույթով է հանդես եկել Էնեն-Բոմոն քաղաք կատարած այցի ժամանակ, որը նվիրված էր Հաղթանակի օրվան: Լե Պենն իրեն հայտարարել է կենտրոնամետ նախագահի գլխավոր մրցակից:
