Միջազգային
Միջուկային պատերազմի սպառնալիքի մասին խոսակցություններն անհիմն են. Ֆրանսիայի ԱԳՆ
29 Ապրիլի 2022, 15:50
Միջուկային պատերազմի վտանգի առկայության մասին փաստարկները հիմք չունեն։ Այդ մասին ուրբաթ օրը հայտարարել է Ֆրանսիայի ԱԳՆ պաշտոնական ներկայացուցիչ Անն-Կլեր Լեժանդրը։ Լեժանդրը բացասաբար է արձագանքել այն հարցին, թե արդյոք ԱՄՆ-ն ու եվրոպական երկրները ուկրաինական հակամարտության փաստացի մասնակիցներ են. «Մենք Ռուսաստանի հետ պատերազմի մեջ չենք, միջազգային իրավունքի դրույթները միանգամայն հստակ են այս հարցում՝ ռազմական մատակարարումները չեն համարվում հակամարտությանը մասնակցություն»,- ասել է Ֆրանսիայի ԱԳՆ ներկայացուցիչը։ «Մենք օգնություն ենք ցուցաբերում Ուկրաինային, որպեսզի նա կարողանա պաշտպանել իրեն»,- հավելել է Լեժանդրը։
