Միջազգային
Թմրանյութերի մաքսանենգության մեղադրանքով ԱՄՆ-ում ձերբակալվել է Բրիտանական Վիրջինյան կղզիների վարչապետը
Բրիտանական Վիրջինյան կղզիների վարչապետ Ալտուրո Ֆահին և Կարիբյան տարածքների նավահանգիստների տնօրեն Օլեանվին Մեյնարդը հինգշաբթի օրը ձերբակալվել են ԱՄՆ Ֆլորիդա նահանգում՝ թմրանյութերի մաքսանենգության մեղադրանքով։ Այդ մասին հայտնել է Associated Press-ը։
Ֆահիին և Մեյնարդին ԱՄՆ թմրամիջոցների դեմ պայքարի վարչության գործակալները ձերբակալել են Մայամիի օդանավակայանում։ Նրանք կասկածվում են կոկաին ներկրելու և փողերի լվացման մեջ։
Գործակալության տվյալներով՝ Ֆահին և Մեյնարդը ժամանել են օդանավակայան՝ հանդիպելու մեքսիկացի թմրավաճառներին, որոնք իրականում եղել են ԱՄՆ DEA-ի գաղտնի գործակալներ։ Մեղադրող կողմի տվյալներով՝ Բրիտանական կղզիների վարչապետն ակնկալում էր ստանալ 700 հազար դոլար կանխիկ գումար՝ Կոլումբիայից Մայամի և Նյու Յորք կոկաին տեղափոխելուն օժանդակելու համար։
