Միջազգային
ՌԴ հատուկ ներկայացուցիչը և Բայրամովը մտքեր են փոխանակել Բաքվի և Երևանի հարաբերությունների կարգավորման շուրջ
Ադրբեջանի ԱԳ նախարար Ջեյհուն Բայրամովը և Բաքվի ու Երևանի միջև հարաբերությունների կարգավորմանը նպաստող ՌԴ ԱԳ նախարարի հատուկ ներկայացուցիչ Իգոր Խովաևը Բաքվում կայացած բանակցություններում քննարկել են երկու երկրների միջև հաղորդակցության բացման և սահմանազատման հետ կապված հարցեր։ Այս մասին հայտնել է Ադրբեջանի ԱԳՆ մամուլի ծառայությունը։
«Հանդիպման ընթացքում կողմերը մտքեր են փոխանակել Հայաստանի և Ադրբեջանի միջև հարաբերությունների կարգավորման շուրջ»,- ասվում է զեկույցում։ Ադրբեջանական կողմն ընդգծել է տարածաշրջանում խաղաղության և անվտանգության ապահովման համար համապատասխան քայլեր ձեռնարկելու իր պատրաստակամությունը։
«ՌԴ ԱԳ նախարարի հատուկ ներկայացուցիչն իր հերթին նշել է Ռուսաստանի Դաշնության պատրաստակամությունը՝ աջակցելու բոլոր ոլորտներում բանակցություններում առաջընթացին»,- ասվում է զեկույցում։
